Ober- und Nideralp
Mit ämä äiggnigä Museum
Laag
Diä beedä Alpä ligget uf dr linggä Sitä vum Schächätal underhalb vum Griessschtock. Züächä chunnt mä uber dr Schächätaler Heechäwäg.
Bsunderhäit
Mit dr Esther Kempf isch d Oberalp im ganzä Schwizerland bekannt wordä. Si het i dr Färnsehsändig „Landfrauenküche“ dr eerscht Priis gwunnä. Drii Jahr drvor het d Famili äs Alphittämuseum uf dr Oberalp ereffnet. Uf dr Oberalp alpet insgesamt viär Familenä, zwee Älplerfamilenä beschtoosset d Nideralp.
Chääs
Uf beedä Alpä wird fäinä Ürner Alpchääs produziärt, wo zum Täil a d Gnossäschaft abggää, aber täilwiis äü diräkt verchäüft wird.
«Äs gschpässigs Gschräi häig mä ab und züä vu dr Oberalp här gheert. Wo si de äntlichä gwisst häiget, wohär das cheem, siget si de grad gheerig erschmiijet: Äs sig nämlich ä läbigä Siiwgrind gsi.»
Ürner Sagäwält